يمرني طاريك وأقول يا محلاك
يا مرحبا في طاريك يا الله حياك
تضحك لي الدنيا إذا تضحك شفاك
وأموت لو تزعل ثواني عليّ
يا روح روحي يا بعد روح مضناك
إلى النهاية وياك وأبعد شوية
الناس تستبشر قدومك ومسعاك
كأنك سهيل النجم صيف وشتية
من شوفتك من هيبتك ومحياك
العين ترقب طلتك البهية
يا شمس عمري يا مدارات وأفلاك
تمد نور البدر وتزيد ضية
هديتني قلبك يا محلا هداياك
يا أجمل عطايا الرب وأجمل هدية
أعيش عمري وياك وأموت وياك
على الأقل أموت وإيدك في إيديّ
يعلني أفداك وأفداك وأفداك
يا واحد في الناس ما فيه زيه
كم أتريا القلب يبرد بلقياك
ظلك سحرني يوم بينت فَيّه
يا روح روحي يا بعد روح مضناك
إلى النهاية وياك وأبعد شوية
أعيش عمري وياك وأموت وياك
على الأقل أموت وإيديك في إيديّ